രാമുവിന്റെ ദുഃഖം
കുട്ടപ്പന്‍ വര്‍ണ്ണിച്ച വര്‍ണ്ണന കേട്ടിട്ട്
കൊല്ലത്തു പോകുവാനാശിച്ചു പോയി ഞാന്‍
അയലത്തെ കുട്ടപ്പന്‍ പോയതാണിക്കൊല്ലം
വീട്ടുകാരോടോത്തു കൊല്ലം നഗരത്തില്‍ .
അവിടുത്തെ കാഴ്ചകള്‍ ഒന്നൊഴിയാതവന്‍
കൂട്ടുകാരോടൊത്തു പങ്കുവച്ചീടവേ
ആ പുരി എത്രയും വേഗത്തില്‍ കാണുവാന്‍
ആഗ്രഹം വര്‍ദ്ധിച്ചു നാള്‍ക്കുനാള്‍ ഞങ്ങളില്‍ .....
വീട്ടിലേക്കുള്ളോരു യാത്രയിലോക്കെയും
ചര്‍ച്ചയായ്‌ എപ്പൊഴും കൊല്ലത്തിന്‍ വര്‍ണ്ണന!
അമ്മയും അച്ഛനും സമ്മതിച്ചീടുവാന്‍
പറ്റും വിധമുള്ള കള്ളങ്ങള്‍ ഓര്‍ത്തിട്ടു
വീട്ടിലെ തിണ്ണയില്‍ ചാരി മയങ്ങി ഞാന്‍ ....
മോഹങ്ങള്‍ ഒക്കെയും മോഹമായ് മാറുന്ന
ഏറെ ദിനങ്ങള്‍ കടന്നുപോയീടവേ
കണ്ടു നാം കൊല്ലം നഗരിതന്‍ വൈഭവം
കുട്ടപ്പന്‍ വര്‍ണ്ണിച്ച വര്‍ണ്ണനയില്‍ മാത്രം!
@@@@@@@@@
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ